Khei ‘năr âu ki, tơ̆ xăh Lát, apŭng Lạc Dương, dêh char Lâm Đồng đei ƀôh tơdrong asong tŏk iŏk jên hăm jên cheh lơ, pơm ưh kơ ‘lơ̆ng tơdrong sơđơ̆ng, pơm ăn lơ ŭnh hnam hiong teh, hiong hnam. Ƀôh hơdăh ‘noh nhen yă Kơ Să Ka Thêm,  tơ̆ plei Đạ Nghịt, xăh Lát. Yua đơ̆ng kăl kơ jên hơmet pơ ‘lơ̆ng tơdrong ŭnh hnam kơna yă Ka Thêm đei tŏk iŏk đơ̆ng 1 ‘nu bơngai lơ̆m tơring hăm kơ sô̆ jên 270 triệu hlak jên. Mă tơpă yă lăp iŏk đei 170 triệu hlak jên, kơsô̆ jên uơ oei dơ̆ng đei tơngla ăn hre trư lơ̆m jên cheh.

‘Ngoăih kơ ‘noh, yă oei athei ăn hla ar teh hnam kơ ŭnh hnam ăn tơ ‘ngla ăn hre. Mă đơ̆ng đơ̆ng rŏng kơ ‘noh yă Ka Thêm hlôi tŏk iŏk jên đơ̆ng anih mong jên vă kla đĭ kơsô̆ jên tŏk iŏk ăn tơ ‘ngla ăn hre mă lei oei tam mă đĭ hre. Đơ̆ng rŏng kơ ‘noh, Anih sek tơlang apŭng Lạc Dương athei yă kla dơ̆ng ăn kơ tơ ngla ăn hre 4 ti hlak jên. Tơdrong mă hlôi đei ƀok Phạm S, Phŏ kơdră Anih vei lăng kon pơlei dêh char Lâm Đồng athei kŏng an tơring tơtĕnh mơ̆t jang dăr hơlen pơm rơđăh.