Tơ̆ jơ sơng, Kơdră chĕp kơ̆l Ban Bí thư Lương Cường pơma hơdăh ‘măng năm ngôi tơgŭm pơm kơjăp hloh dơ̆ng tơdrong pơvei 1 jơhngơ̆m đon joăt joe đơ̆ng 2 Đảng, pơvei tơbôl jang hơdai lơ tơdrong đơ̆ng 2 teh đak păng kon pơlei 2 teh đak Việt Nam - Bồ Đào Nha, yak truh tơbăt 50 sơnăm pơjing tơdrong pơvei jang tơbôl 2 pang lơ̆m sơnăm 2025. 

Pơma hơdăh Đảng Cộng sản Bồ Đào Nha ling lang lăng kăl tơdrong pơvei 1 jơhngơ̆m đon joăt joe hăm Đảng Cộng sản Việt Nam, Tổng Bí thư Đảng Cộng sản Bồ Đào Nha pơma hơdăh ‘meh vă hơnơ̆ng tơgop lơ̆m tơdrong pơtrŭt tơdrong pơvei tơbôl păng jang hơdai ‘lơ̆ng hơiă đơ̆ng 2 Đảng, 2 teh đak păng kon pơlei 2 teh đak Việt Nam - Bồ Đào Nha, kŭm nhen hơdai hăm Đảng Cộng sản Việt Nam tơgop hơmet ‘lơ̆ng tơdrong jang cộng sản păng kŏng nhân apŭng plĕnh teh.