Gơih nơ̆r hmach thơ thou ‘lơ̆ng hơiă truh khŭl jang y ƀak si ƀlep ƀơ̆t năr Thây pơgang Việt Nam, ƀok Nguyễn Trọng Nghĩa tơroi rơđăh, âu ki Trung ương Đảng păng Kuôk hô̆i đei lơ tơdrong tơchơ̆t găh vei sơđơ̆ng tơdrong arih sa tơpôl, tơdrong jang pơgang, vei lăng jơhngơ̆m pran kon pơlei. Lơ̆m noh, tơdrong tơchơ̆t Trung ương 8 găh tơplih ‘nao hơtŏk ‘lơ̆ng đei yua trong jang tơgŭm tơpôl hlôi ‘măn tơdrong bơngơ̆t truh gĭt kăl hăm vei lăng jang pơgang.

Pơm hơdăh ‘lơ̆ng tơdrong hơgăt đơ̆ng Khŭl kơdră teh đak ‘noh jĭ yak truh tơdrong lăp đon đơ̆ng kon pơlei, ƀok Nguyễn Trọng Nghĩa ‘meh vă Hnam pơgang Thể thao Việt Nam păng Hnam pơgang Tâm Anh hơtŏk ‘lơ̆ng jơhngơ̆m đon jang pơgang, bơ̆jang kiơ̆ ‘lơ̆ng trong jang pơm lăp đon bơngai jĭ, khăm hơmet jĭ ‘lơ̆ng hloh, pơm lăp hăm ‘meh vă đơ̆ng kon pơlei. Kŭm lơ̆m ‘măng âu, khŭl kơ Anih chĕp kơ̆l pơgơ̆r Ban Tuyên giáo Trung ương hlôi năm ngôi păng hmach thơ thou kơ kang ƀô̆, y ƀak si păng bơngai jang Hnam pơgang Bạch Mai.