Kơdră chĕp kơ̆l Đảng păng tĕh đak mât lăng lơ̆m Pơsat Ƀok Hô
Thứ sáu, 08:25, 19/05/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Tơbăt 133 sơnăm Năr rơnĕh Ƀok Hô (19/5/1890 - 19/5/2023), pơgê 18/5, Khul tang măt Khul kơdră chĕp kơ̆l Trung ương Đảng, Kơdră tĕh đak, Kuô̆k hô̆i, Khul kơdră tĕh đak, Anih Trung ương MTTQ Việt Nam truh ming kơvang pơkao, mât lăng lơ̆m Pơsat Ƀok Hô.
Tơ̆ hơnăp kơ pơhngol Ƀok Hô, đe ƀok Kơdră chĕp kơ̆l Đảng, tĕh đak tơƀô̆h đon kŭp yom, ‘mêm bơnê tôch ai hăm Ƀok, bơngai pơjing, chĕp kơ̆l pơgơ̆r păng pơtâp pơhrăm Đảng bơ̆n. Kơvang pơkao đơ̆ng Khul đei chư chih "Rim jơhnơr ling lang Ƀlŏk hơdơ̆r kơ Ƀok Hô ‘mêm kơ eng".
Tơbăt 133 sơnăm Năr rơnĕh Ƀok Hô, đĭ đăng Đảng, đĭ đăng kon pơlei, đĭ đăng khul linh bơ̆n hơnơ̆ng jang kiơ̆ nơ̆r pơtho tôch kăp gĭt đơ̆ng Ƀok Hô vă hơnhăk tơdrong Tơchơ̆t đơ̆ng Hop akŏm mă XIII kơ Đảng lơ̆m tơdrong arih xa, bơ̆ jang đei jơnei dôm tơdrong jang mŭk drăm, tơpôl, adrin pơjing tĕh đak bơ̆n roi đunh roi pơdrŏng pran kơtang, dơ̆ng hơdai găm dôm tĕh đak pơdrŏng, rơgei lơ̆m apŭng plenh tĕh nhen Ƀok Hô hơpơi ‘mĕh.
Viết bình luận