Ƀlep 8jơ pơ gê, lêh ƀlŏk hơ dơ̆r kơ nhap ƀok Vũ Khoan đei pơgơ̆r tih vă tơƀôh jơhngơ̆m ‘mêm hmach păng chih iŏk dôm jơnei, plang jơhngơ̆m jang đơ̆ng sư. Pơih blŭng lêh hơpong, Khŭl tang măt Anih chĕp kơ̆l pơgơ̆r Trung ương Đảng, Khŭl Kuôk hô̆i, Khŭl Kơdră teh đak, Khŭl kơdră chĕp kơ̆l teh đak, Khŭl Anih jang Trung ương Mặt trận Tổ quốc Việt Nam yua đơ̆ng dôm kơdră chĕp kơ̆l gĭt kăl teh đak bơ̆n chông hơdrol lơ̆m hơpong.

Truh hơpong kơ nhap ƀok Vũ Khoan oei đei dôm bơngai sơ̆ pơm kơdră chĕp kơ̆l Đảng, Teh đak, khŭl tang măt dôm anih tơm, anih jang, khŭl tơpôl Trung ương păng rim tơring; rim khŭl jang tơbôl, bôl buăl apŭng plĕnh teh.

Nhap ƀok Vũ Khoan- Bơngai chĕp kơ̆l hlôi đei tơgop gĭt kăl lơ̆m tơdrong pơih ‘măng mơ̆t jang hơdai, tơplih ‘nao păng hơtŏk tơiung mŭk drăm teh đak. Sư hlôi hơnhăk ăn dôm tơdrong hlôh vao tôch kơ gĭt kăl, pơ jing tơdrong hơ iă pơma đam tơbôl mŭk drăm apŭng plĕnh teh đơ̆ng rŏng âu. Lêh ƀlŏk hơ dơ̆r kơ ƀok Vũ Khoan pơgơ̆r ƀơ̆t 1 jơ 1 puăt kơ sơ̆ păng Lêh ƀŭ ƀơ̆t 3jơ kơ sơ̆ năr âu mơ̆n tơ̆ Pơ sat Mai Dịch, pơlei tơm Hà Nội.