Tang măt ăn kơdră chĕp kơ̆l dêh char Đắk Lắk, ƀok Nguyễn Tuấn Hà, Phŏ Kơdră chĕp kơ̆l Anih vei lăng kon pơlei dêh char pơtruh nơ̆r hmach thơ thou ‘lơ̆ng hơiă hlŏh hăm đe kăn ƀô̆, bơngai jang lơ̆m Radio nơ̆r pơma Việt Nam tơ̆ Tây Nguyên, hơiă hăm dôm tơdrong jơnei mưh jang đei găh tơdrong tơroi tơbăt mă Radio nơ̆r pơma Việt Nam pơma atŭm păng Anih jang tơ̆ Tây Nguyên pơma hơdrô̆ jang đei lơ̆m khei ‘năr âu ki.

Phŏ Kơdră vei lăng kon pơlei dêh char Đắk Lắk hơpơi ‘mĕh, tơ̆ hơnăp kơnh, Anih jang hơnơ̆ng roi tơbăt dôm tơdrong ‘lơ̆ng, atŭm hăm ‘nŏh vang tơgop nơ̆r ăn dôm tơdrong jang tam mă ‘lơ̆ng vă tơgŭm ăn dêh char jang tŏk roi pran ‘lơ̆ng ƀiơ̆. Sơnăm 2024 âu, tơbăt 120 sơnăm pơjing păng jang tŏk đơ̆ng dêh char Đắk Lắk, ƀok Nguyễn Tuấn Hà athei VOV-Tây Nguyên tơroi mă lơ ƀiơ̆ găh dôm tơdrong jơnei, trong jang tơplih ‘nao, dôm tơdrong adrin đơ̆ng dêh char vă pơjing Đắk Lắk roi đunh roi rơgei, pơdrŏng đei ƀôh păng ƀĕnh tơdrong ‘lơ̆ng găh jŏh ayŏ kơ dŏ xoang.