Kơdră chĕp kơ̆l Lâm Đồng athei hơtŏk đon kơchăng lơ̆m tơdrong tang găn sar bar, tŏ ‘mi kial kơnê̆
Thứ tư, 13:38, 05/07/2023
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Drâm kơsơ̆ 4/7, Kơdră vei lăng kon pơlei dêh char Lâm Đồng đei hla ar athei Anih pơgơ̆r jang tang găn sar bar păng chă dŏng bơngai răm, kơdră chĕp kơ̆l dôm anih jang kơpal păng Anih vei lăng kon pơlei dôm apŭng, plt lơ̆m dêh char kơchăng tang găn tĕh hơlih, vei lăng ‘lơ̆ng tơdrong arih păng tơmam drăm kon pơlei lơ̆m pơyan ‘mi.
Vă vei lăng ‘lơ̆ng tơdrong arih, găn tôch ai hiong răm găh tơmam ăn kon pơlei păng anih jang, trong nơnăm, mă loi lơ̆m pơyan ‘mi kial sơnăm 2023, Kơdră vei lăng kon pơlei dêh char Lâm Đồng athei dôm anih jang kơchăng pơgơ̆r bơ̆ jang tang găn tơdrong sar bar pơma atŭm păng tĕh hơlih pơma hơdrô̆.
Hơnơ̆ng bơ̆ jang ‘lơ̆ng, tôm tơdrong, tơtom, lăp hăm yăn âu păng đei yoa ‘lơ̆ng rim tơdrong kiơ̆ nơ̆r pơtho đơ̆ng Khul kơdră chĕp kơ̆l Đảng dêh char păng hlŏh 10 hlak hla ar pơtho đơ̆ng Anih vei lăng kon pơlei dêh char adrol kơ ‘nŏh. Ưh gơ̆h pơm pơhơi lơ̆m tơdrong jang tang găn sar bar păng chă dŏng tơgŭm ăn bơngai răm.
Viết bình luận