Kơthơ hơiă đơ̆ng Kơdră chĕp kơ̆l Kăch mang Cuba, Đại tướng Raúl Castro Ruz păng Bí thư mă mônh kơ Đảng Cộng sản Cuba, Kơdră teh đak Cộng hoà Cuba Miguel Díaz-Canel Bermúdez chih: “Tang măt ăn Khul kơdră chĕp kơ̆l Trung ương Đảng Cộng sản Cuba, nhôn apinh pơtruh nơ̆r hơiă hlŏh ƀlep ƀât Ih đei pôk pơm Tổng Bí thư Khul kơdră chĕp kơ̆l Trung ương Đảng Cộng sản Việt Nam”.

Nơ̆r hơiă đơ̆ng Tổng Bí thư Đảng Lao động Triều Tiên Kim Jong Un chih: “Iŏk đei nơ̆r tơroi Ih đei pôk pơm Tổng Bí thư Khul kơdră chĕp kơ̆l Trung ương Đảng Cộng sản Việt Nam, inh apinh pơtruh ăn Ih nơ̆r hơiă dêh hlŏh. Hmach thơ thou ăn Đảng Cộng sản Việt Nam păng đĭ đăng kon pơlei Việt Nam, hăm tơdrong chĕp kơ̆l pơgơ̆r đơ̆ng Ih, gô iŏk đei lơ tơdrong jơnei tih hlŏh dơ̆ng lơ̆m tơdrong tơiung pơjing chủ nghĩa xã hội”. Nơ̆r hơiă đơ̆ng Thủ tướng Nhật Bản Kishida Fumio chih: “Inh apinh pơtruh nơ̆r hơiă hlŏh hăm Ih, ƀlep ƀât Ih đei pôk pơm Tổng Bí thư Khul kơdră chĕp kơ̆l Trung ương Đảng Cộng sản Việt Nam… Inh lui, kon pơlei Việt Nam roi đunh roi pran kơjăp hăm tơdrong chĕp kơ̆l pơgơ̆r tôch rơgei đơ̆ng Ih”.