Pơgê brei (25/7), Lêh hơpong Tổng Bí thư Nguyễn Phú Trọng đei pơgơ̆r hrơ̆ch tơ̆ Hnam pơdong teh đak kơsô̆ 5 Trần Thánh Tông, pơlei tơm Hà Nội; Hnam hôp Thống Nhất, plt HCM păng tơ̆ plei ƀok, xăh Đông Hội, apŭng Đông Anh, pơlei tơm Hà Nội. Đei lơ Khul tơmoi lơ̆m apŭng plenh teh truh hơpong Tổng Bí thư Nguyễn Phú Trọng.

Khul teh đak Cộng hòa Cuba yoa Kơdră Quốc hội Cuba Esteban Lazo Hernandez chĕp kơ̆l, mât hơpong Tổng Bí thư Nguyễn Phú Trọng. Adrol kơ ‘nŏh, Quốc hội Cuba kŭm pơma nơ̆r pơgơ̆r Pơdong lơ̆m teh đak 2 năr vă ƀlŏk hơdơ̆r kơ bơngai chĕp kơ̆l teh đak Việt Nam.

Khul Hàn Quốc yoa Thủ tướng Hàn Quốc Han Duck Soo, bơngai tang măt gĭt kăl ăn Kơdră tơm Hàn Quốc chĕp kơ̆l, truh hơpong Tổng Bí thư Nguyễn Phú Trọng. Khul jơnŭm Châu Âu (EU) yoa bơngai tang măt gĭt kăl găh vei lăng sơđơ̆ng păng jang tơbôl kơ EU, Phŏ Kơdră Anih vei lăng châu Âu Josep Borrell chĕp kơ̆l, mât hơpong Tổng Bí thư Nguyễn Phú Trọng.