Lơ̆m nơ̆r hơiă, Kơdră tơm Daniel Ortega păng Phŏ Kơdră tơm Rosario Murillo pơma hơdăh: “Tang măt ăn kon pơlei păng Khul kơdră teh đak mĭnh ƀơ̆r đon kơ teh đak Cộng hòa Nicaragua, nhôn apinh pơtruh ăn ih nơ̆r hơiă tơpăt ‘lơ̆ng hlŏh, ƀlep ƀât ih đei pôk pơm Kơdră teh đak Cộng hòa Xã hội Chủ nghĩa Việt Nam”.

Kiơ̆ Kơdră tơm păng Phŏ Kơdră tơm teh đak Nicaragua, tơdrong ‘nâu 1 ‘măng dơ̆ng tơƀôh hơdăh jơhngâm đon kơtang nuih mơng, đon lui kơjăp kiơ̆ nơ̆r pơtho đơ̆ng Ƀok Hô găh jơhngâm đon ‘mêm kơ teh đak, kŭm nhen đon lui lơ̆m tơdrong chĕp kơ̆l pran kơtang đơ̆ng Đảng Cộng sản Việt Nam.