Đơ̆ng blŭng jăl jang Pơm lêh hop akŏm XIII kơ Hơnih Đảng Khul truh dang ei, Khul Kơdră Đảng Khul păng rim hơnih đảng găh ou hlôi đei lơ tơdrong tơplih găh trong jang păng trong chĕp pơgơ̆r, pơrô̆ jang, đei tơplih kơtang lơ̆m rim tơdrong jang.

Iung pơma tơ̆ jơ bơ̆ jang, ƀok Lương Cường, Kơdră chĕp pơgơ̆r Ban Bí thư athei, khei năr kơnh Hơnih Đảng Khul rim hơnih bơ̆ jang Trung ương kăl pơm hơtŏk hloh dơ̆ng hơnăp jang, hơnih dơ̆ng kơ Đảng Khul lơ̆m tơdrong tơ iung pơjing, hơmet ming Đảng păng khul jang chinh trĭ, trŏ lăp hăm tơdrong jang lơ̆m chăl ‘nao. Kăl lăng kơjăp bơ̆ jang ‘lơ̆ng pơchoh trong, tơlĕch trong tơchơ̆t kơ rim hơnih bơ jang Trung ương lơ̆m tơlĕch jang kiơ̆ rim tơdrong kơ hơrih sa tơpôl, adoi nhen bơ̆ jang tơ iung pơjing Đảng.