Tơ̆ hơnăp yang hơbang Ƀok Hô, Khul kơdră tang măt hlôi tơbăt jơhngơm đon hôn bơnê tôch bach, hmach tôch kơ dêh, kŭp yom kơtang hăm dôm tơdrong tơgop tih tên đơ̆ng Ƀok Hô hăm tơdrong jang kĕch mang kơ Đảng păng hơdrĕch hơdrung bơ̆n. Bok hlôi plang đĭ jơhnơr kơdih ăn kon pơlei, ăn teh đak, chông ba Đảng bơ̆n, kon pơlei bơ̆n iŏk đei jơnei pran kơtang. Gơvang pơkao đơ̆ng Khul đei hơnăn: "Ling lang ƀlŏk hơdơ̆r kơ Ƀok Hô nuih mơng pran kơtang".

Jơnei rơngei Điện Biên Phủ ling lang jĭ jơhngơ̆m đon hưch hanh hơmanh bơnê, jĭ hơyak pran ăn kơ Đảng, kon pơlei, ƀô̆ đô̆i bơ̆n kơrŭn jơhngơ̆m iung jang kiơ̆ jơnei Tơdrong tơchơ̆t tơ iung pơjing teh đak lơ̆m chăl so tŏk chủ nghĩa xã hội (tơmơ̆t dơ̆ng păng atŏk tơ iung sơnăm 2011), Tơdrong tơchơ̆t Pơm lêh hop akŏm kơdră tang măt lơ̆m teh đak ‘măng mă XIII kơ Đảng, hơtŏk păng jang kiơ̆ jơhngơ̆m đon hơpơi ‘meh vă atŏk tơ iung teh đak pơdrŏng hiôk hian, hơnŭk hơnoa.