Kơdră chĕp pơgơ̆r Hơnih bơ̆ jang Dăr lăng Trung ương Trần Cẩm Tú hlôi pôk ăn 50 tơnô̆ tơmam drăm ăn rim ŭnh hnam đei iŏk yua ăn teh đak, ŭnh hnam dơnuh kơ pơlei tơm Lào Kai.

Iung pơma ƀlep lơ̆m ‘măng năm ngôi, ƀok Trần Cẩm Tú hôn bơnê kơtang tơdrong tơgoăt tơgoăl, hơdrin đơ̆ng Lào Cai lơ̆m mĭnh sơnăm 2023 ƀĕng ƀang tơnap tap, tơdrong long. Adoi athei, Kơdră Đảng, Kơdră chĕp pơgơ̆r, Mặt trận Tổ quốc, rim khul jang chinh trĭ-tơpôl dêh char Lào Kai kăl akom chĕp pơgơ̆r pơrô̆ jang kiơ̆ ‘lơ̆ng Nơ̆r athei jang kiơ̆ đơ̆ng Ban Bí thư găh tơdrong pơgơ̆r Têt Nguyên đán Giáp Thìn sơnăm 2024; pơgơ̆r jang kiơ̆ jơnei rim trong bơ̆ jang đơ̆ng Đảng, Teh đak găh vei lăng năng tông hơrih sa, jang sa tơpôl, xut xa pơngot, tơjur dơnuh, mă kăl tơdrong jang tơm Teh đak găh tơ iung pơjing tơring tơrang ‘nao, tơjur dơnuh kơjăp, atŏk tơ iung mŭk drăm-tơpôl tơring kon kông păng groi kông.