Bình Dương găh lơ̆m khul blŭng lơ̆m teh đak găh hơvơn teh đak đe tơmơ̆t jên jang hăm vă jê̆ 4.200 tơdrong vă jang, kon jên apĭnh tơmơ̆t jang hloh 40 ti dolar. Jang sa iŏk đei jô̆ hơtŏ măt bơngai kơ dêh char jei lơ hlŏh lơ̆m teh đak.

Hrei au, Bình Dương tŏk bŏk lăng truh atŏk tơ iung kmăi kmŏk kiơ̆ trong gơ̆h hơgei, ‘lơ̆ng hơ iă hăm cham char ‘moi kiơ̆lơ̆m 3 tơdrong jang tơm ‘noh: Khul kơdră gơ̆h hơgei-Kon pơlei yak hơdoi-Hơnih mơdro iung jang. Iung pơma tơ̆ jơ bơ̆ jang, Kơdră chĕp pơgơ̆r Hơnih bơ̆ jang Mŭk drăm Trung ương Trần Tuấn Anh hôn bơnê kơtang dôm tơdrong iŏk đei găh atŏk tơ iung mŭk drăm Bình Dương, jing hơnih hơdăh ang rang ‘lơ̆ng lơ̆m teh đak găh atŏk tơ iung mŭk drăm kiơ̆ trong xã hội chủ nghĩa. Dôm tơdrong iŏk đei jơnei tih tên kơ Bình Dương hlôi đei tơgop git kăl pơm keh đang trong jang yan au găh atok tơ iung mŭk drăm mơdro sa kiơ̆ trong xã hội chủ nghĩa kơ teh đak bơ̆n lơ̆m 40 sơnăm au ki.