Tơ̆ jơ sơng, Kơdră chĕp pơgơ̆r Kuô̆k hô̆i Vương Đình Huệ hlôi tơroi tơbăt ăn Kơdră chĕp pơgơ̆r Hơnih jang tơbôl kơ Kuô̆k hôi găh tơdrong pơjing khul Nghĭ si tơgoăt tơgoăl Việt Nam – Bangladesh; athei Hơnih bơ̆ jang Tơbôl kơ Kuô̆k hô̆i Việt Nam păng Bangladesh pơm gơng tơroh kloh klĕch kăl hloh vă pơtrŭt kơtang jang hơdoi lơ̆m đi đăng tơdrong kơ ƀar teh đak, mă kăl tơgop ăn tơdrong tơlĕch jang kiơ̆ jơnei rim tơdrong drơ̆ng mĭnh nơ̆r păng rim hla bơar pơkăp jang hơdoi hlôi đei kĭ pơkăp.

Kơdră chĕp pơgơ̆r Kuô̆k hô̆i ‘meh vă lơ̆m khei năr kơnh gô đei lơ khul nghĭ si đơ̆ng rim hơnih bơ̆ jang kơ Kuô̆k hô̆i Bangladesh, rim nghĭ si drŏ kăn, nghĭ si sơnăm mơlôh năm trŭh tơ̆ Việt Nam vă atŏk kơtang chă tơƀơ̆p, pơma dơnuh, hŏk pơhrăm dih băl, adoi pơjing jơhngơ̆m pran ăn tơgoăt tơgoăl ƀar teh đak.