Tơ̆ tơring Nam Cường, ƀok Đỗ Văn Chiến hlôi pôk ăn vă jê̆ 330 tơnô̆ tơmam drăm ăn ŭnh hnam dơnuh păng kong nhân, kang ƀô̆, bơngai jang ŭnh hnam hơrih sa tơnap tap. ‘Ngoăih kơ ‘noh, khul bơ̆ jang jei pôk ăn 300 triu hlak jên vă tơgŭm djru hnam gŏ pai sa ăn hnam trương Pù Lườn, tơring Cao Tân, apŭng Pác Nặm, dêh char Bắc Kạn.

Kơdră chĕp pơgơ̆r Hơnih bơ̆ jang Trung ương Mặt trận Tổ quốc Việt Nam Đỗ Văn Chiến pơma tơbăt jơhngơ̆m đon hơpơi ‘meh vă kon pơlei rim hơdrung dêh char Bắc Kạn hơnơ̆ng atok kơtang jơhngơ̆m đon tơgoăt tơgoăl kơjăp, lui kiơ̆ kơjăp lơ̆m trong chĕp pơgơ̆r đơ̆ng Đảng, Teh đak, hơnơ̆ng kơrŭn đĭ jơhngơ̆m, hơdrin yak hloh tơnap tap tơ iung pơjing pơlei pơla ‘lơ̆ng liĕm.