Tơ̆ jơ pơma dơnuh, Kơdră chĕp pơgơ̆r Hơnih vei lăng kon pơlei kơ pơlei tơm Hồ Chí Minh Phan Văn Mãi tơbăt jơhngơ̆m đon ‘meh vă Ƀok kơdră tơm Đức hơnơ̆ng pơtrŭt hơnih mơdro sa Đức pơ̆ih să jang hơdoi, tơmơ̆t jên jang tơ̆ pơlei tơm lơ̆m rim tơdrong mă Đức jang ‘lơ̆ng nhen: kmăi kmŏk, trong hnam, ŭnh hơyuh ..., tơgop atŭm Pơlei tơm atŏk tơ iung kơjăp ‘lơ̆ng.

Pơlei tơm Hồ Chí Minh pơkăp gô hơnơ̆ng pơjing rơvơn ‘lơ̆ng hơ iă hloh ăn tơmơ̆t jên jang, pơjing rơvơn ăn rim bơngai tơmơ̆t jên jang, lơ̆m au đei hơnih mơdro sa Đức truh tơmơ̆t jên jang, mơdro sa tơ̆ Pơlei tơm. Kơdră chĕp pơgơ̆r pơlei tơm jei tơbăt jơhngơ̆m đon ‘meh vă Ƀok kơdră tơm Đức hơnơ̆ng pơtrŭt, tơgŭm djru rim Khul pơtho pơhrăm Đức, hơnih mơdro sa Đức atŏk kơtang jang hơdoi hăm pơlei tơm Hồ Chí Minh lơ̆m pơtho pơhrăm, pơtho tơdrong jang ăn sinh viên Pơlei tơm; pơma dơnuh tơbăt dih băl trong jang ‘lơ̆ng lơ̆m vei lăng păng tơplih ‘nao pơtho pơhrăm. Khul lĕch veh đơ̆ng pơlei tơm lơ̆m drung kơsơ̆ năr 24/1, pơtôch ‘lơ̆ng liĕm năm tơmang teh đak Việt Nam.