Tơ̆ hop akŏm au, Kơdră chĕp pơgơ̆r Kuô̆k hô̆i Vương Đình Huệ athei, hla bơar chih tơbăt bơ̆ jang dăr lăng kăl hơlen mă hơdăh dôm tơdrong ‘lơ̆ng, tơdrong jang tim mă ‘lơ̆ng mư̆h tơlĕch jang kiơ̆ 3 Tơdrong jang tơm teh đak, adoi chih tơlĕch hloi nơ̆r athei, trong iung jang lơ̆m Hla bơar chih tơbăt kăl chih mă ƀlep, mă kiăp hăm yan au.

Găh tơdrong kơ Hơnih tơm vei lăng Choh jang sa păng Atŏk tơ iung tơring tơrang, Kơdră chĕp pơgơ̆r Kuô̆k hô̆i Vương Đình Huệ pơkă athei kăl tơl hơdăh dôm tơdrong yan au mă kon pơlei lăng truh nhen: Tơdrong kơjă phe tĕch mơdro tơ̆ teh đak đe; kăl hơlen mă hơdăh dôm tơdrong đei ƀơm truh đơ̆ng tơdrong jang pơlong năng trong bơ̆ jang pơjao ăn rim tơring gơ̆h kĭ tơchơ̆t tơdrong tơplih hơgăt teh chŭn na ƀa đak tim mă truh 20ha, tơdrong đei ƀơm truh chă dăng rôp, vei lăng ka hơdang, trong jang hơmet pơ ‘lơ̆ng “Tơchơ̆t găn ga” đơ̆ng Hơnih bơ̆ jang châu Âu (EC) hăm ka hơdang ... ‘Nau jĭ dôm tơdrong tơnap tap mă hơnih bơ̆ jang vei lăng choh jang sa tŏk bŏk kăl xek tơlang vă gơ̆h tơjră muh măt hăm dôm tơdrong long.