Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh, Việt Nam lăng kơjăp păng ‘meh vă pơtrŭt kơtang tơgoăt tơgoăl hăm Jơnŭm atŭm châu Âu (EU), lơ̆m au đei Nghĭ viê̆n châu Âu-Jang hơdoi gĭt kăl lơ̆m trong jang tơbôl kơ Việt Nam lơ̆m pơđĭ rim trong jang Kuô̆k hô̆i, Khul kơdră chĕp pơgơ̆r teh đak, kon pơlei năm ngôi dih băl.

Tơ̆ jơ sơng, ƀar păh hlôi pơma dơnuh dih băl khul kơdră kơpal, rim hơnih; ƀar păh hơnơ̆ng jang hơdoi kơjăp, mă kăl ‘nŏh tơbăt dih băl trong jang hơ iă lơ̆m bơ̆ jang nghĭ viê̆n, pơm pơkeh khôi luơ̆t, xek tơlang dôm tơdrong long lơ̆m plei teh. ‘Ngoăih tơdrong atŏk kơtang tơgoăt tơgoăl jang hơdoi dih băl ƀar păh, ƀar păh kăl hơdrin hloh dơ̆ng vang iung jang hơdoi kơjăp tơ̆ hop akŏm nghĭ viê̆n lơ pang păng tơring gĭt kăl, hơmŏ, tơgoăt tơgoăl jang hơdoi gô hơnơ̆ng atŏk kơtang hloh dơ̆ng, lơ̆m au, jang hơdoi nghĭ viê̆n gô jing hơnăp jang kăl hloh lơ̆m tơdrong tơbôl jang hơdoi ƀar păh EU hăm Việt Nam.