Iung pơma tơ̆ ‘măng tơƀơ̆p muh măt, Kơdră chĕp pơgơ̆r Kuô̆k hô̆i ‘meh vă, rim bơngai tang măt ăn khul hŏk jrŭ, khul kơdră chĕp pơgơ̆r lui khop, kon kông gơ̆h hơgei oei sa ‘lơ̆ng kơ Hơnih tơm Hà Nội gô atŏk loi dơ̆ng hơnăp jang đơ̆ng kơdih, ‘noh rim bơngai kăl hloh lơ̆m rim tơdrong jang; lang să, pơchoh trong pơm hơtŏk jơhngơ̆m đon hưch hanh ăn rim khul lơ̆m tơpôl anai, mă kăl ăn rim jơhnơr mơlôh tơgop kơtang lơ̆m atŏk tơ iung kơ Hơnih tơm Hà Nội păng kơ lơ̆m teh đak.

Kơdră chĕp pơgơ̆r Kuô̆k hô̆i hôn bơnê kơtang trong tơchăr hơ iă đơ̆ng Hơnih Mặt trận Tổ quốc pơlei tơm Hà Nội păng Kơdră chĕp pơgơ̆r Pơlei tơm Hà Nội hlôi pơgơ̆r Iung jang tơgoăt dih băl kơ Khul bơngai tang măt ăn khul hŏk jrŭ, rim kơdră chĕp pơgơ̆r lui khop, kon kông păng akhan, ‘măng tơƀơ̆p muh măt au tơƀôh hơdăh jơhngơ̆m đon tơgoăt tơgoăl mĭnh nơ̆r ƀơ̆r đon kơjăp hơdrĕch hơdrung, ‘nau jĭ tơdrong joăt joe tôch ‘lơ̆ng hơ iă kơ hơdrĕch hơdrung, tơƀôh hơdăh ăn tơdrong lăp mĭnh nơ̆r ƀơ̆r đon păng iung jang, băt hơdăh hơnăp jang kơ kon pơlei Hơnih tơm gơ̆h hơgei pran kơtang, kơ yuơ tơdrong atŏk tơ iung atŭm kơ Pơlei tơm Hà Nội păng pơ đĭ lơ̆m teh đak.