Iung pơma pơrô̆ jang lơ̆m jơ bơ̆ jang, Kơdră chĕp pơgơ̆r Kuô̆k hô̆i pơma hơdăh, ‘nou jĭ jơ ‘năr vă Kơdră chĕp pơgơ̆r Kuô̆k hô̆i, rim kơ iĕng Kơdră chĕp pơgơ̆r Kuô̆k hô̆i chă mơ̆ng, hơlen găh tơdrong bơ̆ jang ‘moi kiơ̆ rim trong pơprŏ jang hlôi đei tơlĕch ăn păng dôm tơdrong jang hăt hot, tơdrong jang hle, lăng năng dôm tơdrong jang yă kiơ hlôi jang keh đang, tơdrong jang yă kiơ tim mă keh đang; dôm tơdrong tơnap tap, tơhlăk tơhlĭn kăl hơmet pơ ‘lơ̆ng; dôm trong pơchoh ăn tơm đơ̆ng rim hơnih bơ̆ jang đơ̆ng dang ei truh đĭ jăl jang. ‘Moi kiơ̆ lơ loh, Kơdră chĕp pơgơ̆r Kuô̆k hô̆i athei rim hơnih bơ̆ jang akŏm lơ̆m rim tơdrong jang hlôi jang keh đang păng dôm tơdrong hơ iă hloh kơ hơnih jang, dôm tơdrong jang tim mă keh đang păng nơ̆r apĭnh, tơlĕch tơdrong vă jang.