Tơ̆ jơ bơ̆ jang, Kơdră chĕp pơgơ̆r Kuô̆k hô̆i Trần Thanh Mẫn hôn bơnê dôm tơdrong jơnei, tơdrong tơgop gĭt kăl đơ̆ng khul ƀô̆ đô̆i lơ̆m teh đak, lơ̆m ou đei khul Ƀô̆ đô̆i Quân khu 3 lơm tơdrong iŏk đei jơnei atŭm kơ teh đak; Khul Ƀô̆ đô̆i Quân khu 3 hlôi jang ‘lơ̆ng tơdrong jang tơ iung pơjing, vei lăng rơvơng plĕnh, đak dơsĭ kơ Teh đak, ba ăn tơdrong hơrih sa sơđơ̆ng ăn kon pơlei.

Găh tơdrong bơ̆ jang lơ̆m khei năr kơnh, Kơdră chĕp pơgơ̆r Kuô̆k hô̆i Trần Thanh Mẫn athei Quân khu 3 hơnơ̆ng tơlĕch jang kiơ̆ ‘lơ̆ng hloh dơ̆ng Tơdrong tơchơ̆t Pơm lêh hop akŏm Đảng lơ̆m teh đak ‘măng mă XIII, tơlĕch jang kiơ̆ ‘lơ̆ng Tơdrong tơchơ̆t đơ̆ng Quân ủy Trung ương adoi nhen tơdrong jang khul lĭnh, vei lăng teh đak sơnăm 2024. Kơdră chĕp pơgơ̆r Kuô̆k hô̆i pơma hơdăh, hăm jơhngơ̆m đon “ƀô̆ đô̆i hăm kon pơlei nhen ka hăm đak”, atŭm hăm khul kŏng ang, khul ƀô̆ đô̆i ling lang jĭ mĭnh lơ̆m dôm hơnih blŭng a ƀôh kang bang kơl vă tơgum kon pơlei tang găn păng hơmet pơ ‘lơ̆ng đơ̆ng tŏ ‘mi kial pơrăm ưh kơ jô̆ tơ kơ ‘năr dăh mă tơ̆ gơmăng.