Tơ̆ jơ tơƀơ̆p, Kơdră chĕp pơgơ̆r Kuô̆k hô̆i sơkơ̆t hơdăh, tơgoăt tơgoăl ƀar păh Kuô̆k hô̆i Việt Nam hăm Nghị viện Châu Âu tŏk bŏk atŏk tơ iung ‘lơ̆ng. Ƀar păh hlôi păng gô hơnơ̆ng iung jang hơdoi kơjăp, tơgop pơm hơtŏk jang hơdoi ƀar păh Việt Nam-EU păng mă kăl ‘noh tơbăt dih băl trong jang hơ iă lơ̆m bơ̆ jang Nghĭ viện, pơjing keh đang tơdrong pơkăp khôi luơ̆t vă pơtrŭt kơtang tơlĕch jang kiơ jơnei Tơdrong pơkăp Mơdro sa hiôk hian Việt Nam – EU, hăm tơdrong tơm ‘noh hơnhăk đei iŏk yua ‘lơ̆ng hơ iă ăn kon pơlei păng hơnih mơdro sa ƀar păh. Kơdră chĕp pơgơ̆r Kuô̆k hô̆i Trần Thanh Mẫn hôn bơnê tơdrong Hơnih bơ̆ jang Mơdro sa Apŭng plĕnh teh tơlĕch athei găh pơjing tơdrong pơkăp jang hơdoi ƀar păh Kuô̆k hôi Việt Nam hăm Nghị viện châu Âu. Ƀar păh hlôi vei kơjăp rim ‘măng pơma dơnuh păng yak năm ngôi dih băl hơnơ̆ng ƀar păh rim Nghĭ si châu Âu păng kơdră tang măt Kuô̆k hô̆i Việt Nam vă pơtrŭt kơtang jang kiơ̆ jơnei Tơdrong tơchơ̆t Mơdro sa hiôk hian Việt Nam – EU, tơgop atum lơ̆m tơdrong atŏk tơ iung tơgoăt tơgoăl Việt Nam - EU.