Kơdră chĕp pơgơ̆r Kuô̆k hô̆i Trần Thanh Mẫn pơma tơbăt jơhngơ̆m đon lui akhan, hăm tơdrong hơmet ăn tôch kơ brĕ đơ̆ng Kuô̆k hô̆i Lào, Hop akŏm AIPA ‘măng mă 45 gô pơtôch ‘lơ̆ng liĕm, tơgop pơm hơtŏk hơnăp jang, hơnih dơ̆ng kơ teh đak Lào lơ̆m tơring. Lơ̆m jơ ‘năr tơƀơ̆p dih băl, pơma dơnuh dih băl ‘lơ̆ng hơ iă, ƀar ‘nu kơdră chĕp pơgơ̆r sơkơ̆t hơdăh, Đảng, Teh đak păng kon pơlei ƀar teh đak ling lang lăng kơjăp păng iung jang hơdrol hloh tơdrong vei răk, vei lăng păng ling lang pơm hơtŏk loi dơ̆ng tơgoăt tơgoăl dih băl tôm tong ‘lơ̆ng liĕm  Việt Nam-Lào; ‘meh vă atŏk kơtang hloh dơ̆ng tơgoăt tơgoăl ƀar păh teh đak, ƀar Kuô̆k hô̆i kơtang hloh dơ̆ng, jơnei păng tơpă hloh dơ̆ng. ƀar ‘nu kơdră drơ̆ng mĭnh nơ̆r akhan, tơgoăt tơgoăl jang hơdoi ƀar păh Kuô̆k hô̆i ƀar teh đak ling lang hơmet ming păng atŏk tơ iung.