Hơlen dơ̆ng tơdrong iŏk đei jơnei atŏk tơ iung mŭk drăm-tơpôl kơ teh đak păng kơ dêh char Bình Phước pơma hơdrô̆, Kơdră chĕp pơgơ̆r Kuô̆k hô̆i Trần Thanh Mẫn akhan, lơ̆m iŏk đei jơnei ‘noh, đei tơdrong vang tơgop kơtang đơ̆ng Jơnŭm vei lăng kon pơlei dêh char, tơdrong vang jang kiơ̆, kơrŭn đĭ ai đơ̆ng rim kơdră tang măt Kuô̆k hô̆i jăl 15 kơ dêh char Bình Phước. Jơnŭm vei lăng kon pơlei dêh char Bình Phước ling lang lăng kơjăp tơdrong chĕp pơgơ̆r, pơrô̆ jang đơ̆ng Trung ương păng đei lơ trong tơplih ‘nao lơ̆m bơ̆ jang; iŏk đei jơnei kơ Jơnŭm vei lăng kon pơlei rim hơnih ling lang atŏk tơ iung, tơplih ‘nao găh dôm trong jang păng trong pơgơ̆r. Kơdră chĕp pơgơ̆r Kuô̆k hô̆i Trần Thanh Mẫn athei dêh char Bình Phước kăl iung jang kơjăp ƀar păh atŏk tơ iung muk drăm- oei sa joh ayŏ, tơpôl hăm sơđơ̆ng teh đak, sơđơ̆ng tơpôl, jang tơbôl, mă kăl jang tơbôl trong sơlam teh đak rơngei hiôk hian, tơgoăt tơgoăl, jang hơdoi, atŏk tơ iung hăm teh đak boăl Camphuchia; Vei lăng năng tông mŭk, drăm, jơhngơ̆m đon kon pơlei kon kông tơ̆ tơring; jang kiơ̆ ‘lơ̆ng bơ̆ jang vei lăng năng tông sơđơ̆ng, hơrih sa tơpôl, vei lăng năng tông dôm bơngai đei iŏk yua ăn teh đak.