Kơdră chĕp pơgơ̆r Kuô̆k hô̆i Trần Thanh Mẫn hlôi pôk ăn huy hiệu 40 sơnăm jang Đảng ăn Kơ iĕng Kơdră chĕp pơgơ̆r Kuô̆k hô̆i Nguyễn Đức Hải; Bí thư Đảng hơnih bơ̆ jang Kuô̆k hô̆i Bùi Văn Cường pôk ăn Huy hiệu 30 sơnăm jang Đảng ăn kơ đảng viên Đặng Vũ Hải, Kơ iĕng Kơdră chĕp pơgơ̆r Hơnih bơ̆ jang Hơdrĕch hơdrung. Iung pơma hmach bơnê rim đang viên tơ̆ jơ pơm lêh, Kơdră chĕp pơgơ̆r Kuô̆k hô̆i Trần Thanh Mẫn sơkơ̆t hơdăh, tơmam hơpăh gĭt kăl hlŏh 40 sơnăm păng 30 sơnăm sơnăm jang Đảng ‘noh tơdrong hôn bơnê, sơkơ̆t hơdăh đơ̆ng Đảng hăm khei năr tơgop đơ̆ng 2 ‘nu kơdră hăm tơdrong jang kĕch mang nuih mơng kơ Đảng. Kơdră chĕp pơgơ̆r Kuô̆k hô̆i Trần Thanh Mẫn ‘meh vă, rim đảng viên đei pôk ăn huy hiệu Đảng, hơnơ̆ng tơgop kơtang vă pơm hơtŏk iŏk đei jơnei tơdrong jang kơ Kuô̆k hô̆i, Hơnih bơ̆ jang Kuô̆k hô̆i, Jơnŭm vei lăng kon kông, rim Hơnih bơ̆ jang Kuô̆k hô̆i, rim hơnih jang găh Hơnih bơ̆ jang Kuô̆k hô̆i lơ̆m rim tơdrong jang pơjing khôi luơ̆t, dăr lăng, tơchơ̆t rim tơdrong kăl kơ teh đak; tơgop tơ iung pơjing teh đak pháp quyền xã hội chủ nghĩa kơ kon pơlei, kơyuơ kon pơlei păng yuơ kơ kon pơlei.