Iung pơma tơ̆ pơm lêh, Kơdră chĕp pơgơ̆r Kuô̆k hô̆i Trần Thanh Mẫn hôn bơnê kơtang dôm tơdrong hơdrin păng tơdrong iŏk đei jơnei kơtang kơ Khul Kon pơlei choh jang sa Việt Nam, kơ rim kang ƀô̆, bơngai jang lơ̆m khul kon pơlei choh jang sa, Hơp tak xah choh jang sa kơ lơ̆m teh đak, mă kăl 63 ‘nu bơngai, 63 hơp tak xah jang sa gơ̆h hơgei đei pôk pơ ư tơ̆ pơm lêh ou. Hăm rim kon pơlei, khul jang ‘lơ̆ng đei pôk pơ ư, Kơdră chĕp pơgơ̆r Kuô̆k hô̆i athei, kăl hơnơ̆ng pơm jŭk yŭk trong hơlou lơ̆m jang hơdoi, tơgoăt dih băl choh jang sa pơm tơlĕch tĕch mơdro; hơnơ̆ng tơgop jơhngơ̆m, jơnghơm đon, pơtho tơbăt dôm trong jang gơ̆h, tơgŭm djru lơ bơngai anai dơ̆ng, vă đei dơ̆ng lơ kon pơlei hơdrin iung jang sa pơm pơdrŏng, lơ Hơp tak xah choh jang sa iŏk đei jơnei kơjăp, vă atŭm hăm kon pơlei pơla jang kiơ̆ keh đang trong tơlĕch jang tơjur dơnuh kơjăp ‘lơ̆ng, tơ iung pơjing tơring tơrang ‘nao.