Sơnăm 2023, Hơnih jang kiểm sát nhân dân đei lơ tơdrong hơdrin, jang kiơ̆ lơ trong jang pơm sơđơ̆ng rim tơdrong jang kiơ̆ hơnăp jang, tơdrong jang, tơkêng ‘nao 98.369 tơdrong pơm glăi kơtang, tŏk 13,4% pơtêng hăm sơnăm sơ̆.

Hơnih jang Kiểm sát nhân dân hlôi tơlĕch kơtang jang kiơ̆ ‘lơ̆ng rim tơdrong tơchơ̆t đơ̆ng Đảng, đơ̆ng Kuôk hô̆i đei ƀơm truh bơ̆ jang tư pháp păng hơnăp jang, tơdrong jang kơ Viện kiểm sát nhân dân. Lơ̆m khei năr kơnh, Kơdră chĕp pơgơ̆r Kuô̆k hô̆i Vương Đình Huệ athei, Hơnih tơm Viện kiểm sát nhân dân akŏm tơplih ‘nao tôm tơdrong jang; hơmet pơ ‘lơ̆ng dơ̆ng hơnih jang kiơ̆ trong kơtoei, jơnei hơ iă; atŏk kơtang jang kiơ̆ tơplih kơsô̆ păng jang kiơ̆ kmăi kmŏk pơre nơ̆r; hơmet pơ ‘lơ̆ng khul jang, atŏk kơtang rim tơdrong pơm sơđơ̆ng păng tơlĕch jang kiơ̆ bơ̆ jang hơdoi apŭng plĕnh teh lơ̆m tơdrong iung tơjră, phă pơrăm khul yoch; jang kiơ̆ ‘lơ̆ng hơnăp jang hơnih bơ̆ jang tơm kơ Trung ương lơ̆m tơgŭm tơbăt khôi luơ̆t tơdrong yoch kơtang….