Kơdră chĕp pơgơ̆r Kuô̆k hô̆i Vương Đình Huệ vang năm Pơm lêh. ‘Nau jĭ tơdrong pơgơ̆r kăl hloh, jĭ tơdrong rơvơn vă dêh char Sơn La păng rim dêh char Tây Bắc tơƀôh tơbăt tơmam drăm chehphe Arabica; pôk pơ ư bơngai pơtăm, pơm tơlĕch, tĕch mơdro păng tĕch mơdro chehphe tơ̆ teh đak đe; tơgop atŏk tơ iung tơring pơtăm chehphe Arabica ‘lơ̆ng, kơjăp.

Hrei au, tơmam drăm chehphe Sơn La hlôi tĕch mơdro tơ̆ 20 teh đak găh EU, Bắc Mỹ, Trung Đông păng rim teh đak SEAN hăm kơjă tĕch răt sơđơ̆ng; tơgop atŏk jang sa iŏk đei; tơgop tơgŭm ăn jang sa iŏk yua kơ jăp kơ kon pơlei pơtăm, pơm tơlĕch chehphe, pơjing dơ̆ng tơdrong jang, tơgop hơmet pơ ‘lơ̆ng choh jang sa kiơ̆ trong rơgoh ‘lơ̆ng păng kơjă măt kơ chehphe tơ̆ Sơn La.

Ƀlep lơ̆m khei ‘năr kăl kơ yuơ bơngai dơnuh sơnăm 2023, Kơdră chĕp pơgơ̆r Kuô̆k hô̆i Vương Đình Huệ hăm Khul bơ̆ jang hlôi chă pơrô̆ hơvơn, vang tơgop, tơgŭm djru đơ̆ng rim bơngai đei jơhngơ̆m đon ‘lơ̆ng đei 100 pơbŭng hnam tơgŭm ăn ŭnh hnam dơnuh tơnap tap găh hnam oei lơ̆m dêh char Sơn La. Hơdrol kơ ‘noh, Kơdră chĕp pơgơ̆r Kuô̆k hô̆i Vương Đình Huệ hăm Khul bơ̆ jang hlôi truh soh hlôt nhang, ‘măn gơvang pơkao tơ̆ Hơnih soi tơbăt Ƀok Hô-Cham să Tây Bắc, dêh char Sơn La.