Ƀlep lơ̆m năr Ƀok Wan Muhamad Noor Matha đei Ƀok pơtao tơchơ̆t pôk tơmơ̆t pơm Kơdră chĕp pơgơ̆r Kuô̆k hô̆i Thái Lan, tang măt Kuô̆k hô̆i teh đak Cộng hòa xã hội chủ nghĩa Việt Nam păng hăm kơdih kau, Kơdră chĕp pơgơ̆r Kuô̆k hô̆i Vương Đình Huệ hlôi pơtruh kơthơ hmach chơt hơ iă.

Lơ̆m kơthơ, Kơdră chĕp pơgơ̆r Kuô̆k hô̆i pơma tơbăt jơhngơ̆m đon chơt hơ iă ƀôh hơdăh tơgoăt tơgoăl dih băl ƀar păh ƀar teh đak pơma atŭm păng jang hơdoi ƀar păh Hơnih bơ̆ jang pơjing khôi luơ̆t pơma hơdrô̆ hlôi hơnơ̆ng hơmet pơ ‘lơ̆ng, roi năr roi lui yom dih băl păng tơpă. Kơdră chĕp pơgơ̆r Kuô̆k hô̆i Vương Đình Huệ ‘meh vă jang hơdoi kơjăp hăm Ƀok Wan Muhamad Noor Matha vă atok kơtang hloh dơ̆ng jang hơdoi ƀar Kuô̆k hô̆i, tơgop hơnhăk tơgoăt tơgoăl Jang hơdoi gĭt kăl Việt Nam - Thái Lan roi năr roi atŏk tơ iung, kơ yuơ đei iŏk yua kơ kon pơlei ƀar teh đak, kơ yuơ rơngei hiôk hian, sơđơ̆ng dơ̆ng kơjăp, atŏk tơ iung kơ Tơpôl ASEAN adoi nhen tơring châu Á - Thái Bình Dương păng lơ̆m apŭng plĕnh teh.