Iung pơma tơ̆ pôk ăn tơmam hơpăh, Kơdră chĕp pơgơ̆r Kuô̆k hô̆i Vương Đình Huệ pơma hơdăh, mĭnh lơ̆m dôm tơdrong hơlêm tih tên, tơgop atŏk hơnih dơ̆ng, jơhngơ̆m pran, jơhngơ̆m đon yom kơjăp kơ Kuô̆k hô̆i păng Jơnŭm vei lăng kon pơlei lơ̆m prăt lơ sơnăm au ki jĭ tơdrong tơgop tôm tong, kơjăp, tơchăr hơgei đơ̆ng tơdrong chih kơtơ̆ng ang lơ̆m teh đak.

Hơnih chih kơtơ̆ng ang teh đak roi năr roi tơƀôh hơdăh bơ̆ jang tơgăl jing bơngai bơ̆ jang pơrô̆ pơrôp tơpôl, bơngai atŏk jơhngơ̆m đon hôn bơnê, bơngai pơgơ̆r tơpôl, adoi jing hơnih tơl hơdăh tôm toong jơhngơ̆m đon gơ̆h hơgei păng hơnăp jang kơtang hăm Teh đak. ‘Nau jĭ ‘măng mă blŭng đei pơgơ̆r, hlôi đei 171 hơnih chih kơtơ̆ng ang lơ̆m teh đak păng teh đak đe, 7 hơnih bơ̆ jang Khul tang măt Kuô̆k hô̆i păng Jơnŭm vei lăng kon pơlei, hăm 3.328 ƀai chih vang pơlong. Rim ƀai chih vang pơlong đei chih hơmet tôch hơlen, tôch trŏ lăp păng gơ̆h hơgei lơ̆m chăl jang chih kơtơ̆ng ang gơ̆h hơgei hrei au.