Tơ̆ ‘măng apĭnh, Kơdră chĕp pơgơ̆r Kuô̆k hô̆i Vương Đình Huệ athei rim kơdră tang măt Kuô̆k hô̆i tơlĕch nơ̆r apĭnh hơdăh, kơđeh, tơpăt, ưh kơ chă apĭnh ver au to; rim Kơdră dơnơm kăl tơl mă hơdăh, mă tơpăt, mă trŏ ƀlep, tơblang hơdăh dôm tơdrong mă rim bơngai tang măt Kuô̆k hô̆i apĭnh, adoi tơlĕch rim trong jang hơmet pơ ‘lơ̆ng mă hơdăh, jơnei, sơđơ̆ng hơmet pơ ‘lơ̆ng tơtom dôm tơdrong jang tim mă ‘lơ̆ng, tim mă lăp ƀơ̆t măt, mĭnh păh pơjing đei tơdrong trŏ lăp dang ei păng đunh đai hăm rim tơdrong đei apĭnh, tơgop pơm hơtŏk iŏk đei jơnei lơ̆m chĕp pơgơ̆r, trŏ lăp hăm tơdrong ‘meh vă kơ bơngai tăh hla păng kon pơlei lơ̆m teh đak. Pơtôch apĭnh, Hơnih bơ̆ jang chĕp pơgơ̆r Kuô̆k hô̆i pơjing Tơdrong tơchơ̆t vă pơm kơnăl ăn jang kiơ̆ păng dăr lăng hơlen.