Lơ̆m ‘măng iung năm tơmang teh đak Indonesia, kơsơ̆ năr 07/8, Kơdră chĕp pơgơ̆r Kuô̆k hô̆i Vương Đình Huệ hlôi pơma dơnuh hăm Ƀok kơdră tơm Indonesia Joko Widodo.

Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh, Việt Nam lăng kơjăp tơgoăt tơgoăl Jang hơdoi gĭt kăl hăm Indonesia; tơbăt hơdăh ăn kơ Ƀok kơdră tơm Widodo pơtôch ‘măng năm tơmang Indonesia păng vang hop akŏm Jơnŭm chĕp pơgơ̆r AIPA-44, tơbăt, Kuô̆k hô̆i ƀar teh đak hlôi kĭ Drơ̆ng mĭnh nơ̆r jang hơdoi vă pơtrŭt kơtang hlŏh dơ̆ng tơgoăt tơgoăl nghĭ viên, tơgop atŏk kơtang tơgoăt tơgoăl ƀar păh ƀar teh đak, ‘meh vă atŏk tơdrong tơgoăt tơgoăl ƀar teh đak tŏk kơtang hloh dơ̆ng. Ƀok kơdră tơm Indonesia drơ̆ng nơ̆r lăp đon hăm Kơdră chĕp pơgơ̆r Kuô̆k hô̆i găh tơdrong ƀar păh atŏk kơtang vei kơjăp rim tơdrong jang hơdoi hlôi đei, atŏk kơtang jang hơdoi lơ̆m tơdrong jang tơ̆ đak dơsĭ, ka hơdang păng rim tơdrong jang ‘nao nhen tơplih kơsô̆, tơplĭh iŏk yua ŭnh hơyuh hơtŏ hơnơ̆ng.