Lăp đơ̆ng rŏng pơm lêh sơng, Kơdră chĕp pơgơ̆r Kuô̆k hô̆i Vương Đình Huệ hlôi pơma dơnuh hăm Kơdră chĕp pơgơ̆r Thượng viện Nhật Bản.

Tơ̆ pơma dơnuh, ƀar ‘nu kơdră chĕp pơgơ̆r akhan, đơ̆ng mă pơjing tơgoăt tơgoăl “Jang hơdoi gĭt kăl kơtang lang să kơ yuơ rơngei hiôk hian păng pơdrŏng hơnŭk hơnoa tơ̆ Châu Á”, jang hơdoi ƀar teh đak tŏk bŏk atŏk tơ iung ‘lơ̆ng hăm tơdrong lui kiơ̆ dih băl jang chinh trĭ kơtang, ‘nŏh trong kơnăl vă jang hơdoi tôm tong păng lang să iŏk đei jơnei lơ̆m rim tơdrong jang. Vă atŏk kơtang hloh dơ̆ng tơgoăt tơgoăl jang hơdoi 2 păh Hơnih bơ̆ jang pơjing Khôi luơ̆t, Kơdră chĕp pơgơ̆r Kuô̆k hô̆i Vương Đình Huệ athei, ƀar păh Pơtrŭt kơtang jang hơdoi, ăn rim khul kơdră joăt jang chă tơƀơ̆p pơma dơnuh dih băl; atŏk kơtang hơnăp jang kăl, jang hơdoi lơ̆m pơm pơkeh tơdrong pơkăp, trong bơ̆ jang, tơ iung pơjing khôi luơ̆t trŏ lăp tơgum djru hơnih mơdro sa ƀar teh đak lang să jang hơdoi, tơmơ̆t jên jang lơ̆m dih băl.