Kiơ̆ tơbăt, Jăl I, rim hơnih bơ̆ jang hlôi pơchoh trong, iung jang tơgŭm jơnei 2 ‘Măng hop akŏm hăt hot kơ Kuô̆k hô̆i, 8 ‘măng hop akŏm kơ Hơnih bơ̆ jang chĕp pơgơ̆r Kuô̆k hô̆i, …

Lơ̆m jăl II au, rim hơnih bơ̆ jang kơ Kuô̆k hô̆i gô pơm pơkeh hô sơ, hla bơar pơtruh ăn Kuô̆k hô̆i pơdrơ̆ng kiơ̆ tơ̆ ‘Măng hop akŏm mă 7 hăm 9 tơdrong vă pơjing khôi luơ̆t, 1 trong vă pơjing tơchơ̆t ... găh tơdrong bơ jang kơ khei 4, jăl II, mă kăl ‘noh hơmet tơgŭm ăn hop akŏm Trung ương 9; ‘măng hop akom Kuô̆k hô̆i ‘măng mă 7, Kơdră chĕp pơgơ̆r Kuô̆k hô̆i Vương Đình Huệ athei lăp đơ̆ng rŏng hop akŏm au, Tổng thư ký, Kơdră Hơnih bơ̆ jang Kuô̆k hô̆i lăng hơlen, tơgoăt iŏk nơ̆r tơgop lơ̆m ‘măng bơ̆ jang vă dăr lăng tôm tong tơdrong đơ̆ng dang ei truh đĭ jăl II. Hăm rim hla bơar khôi luơ̆t păng rim hla bơar đei ƀơm truh tơdrong tơchơ̆t khôi luơ̆t, kăl dăr lăng hơlen tơmơ̆t lơ̆m tơdrong pơma dơnuh kơ ‘măng hop akŏm Hơnih bơ̆ jang ‘măng mă 32, 33 kiơ̆ mĭnh ƀar tơdrong pơkăp. Đĭ đăng rim tơdrong đơ̆ng dang ei truh đĭ jăl 2, tơlĕch jang hơdrol ‘noh ‘măng hop akŏm mă 7, Kuô̆k hô̆i jăl XV.