Kơdră chĕp pơgơ̆r Kuô̆k hô̆i Vương Đình Huệ tih vơ̆ djơ̆ ‘lơ̆ng lơ̆m ŭnh hnam jang kĕch mang, mơ̆t jang teh đak đơ̆ng sơnăm 1979 ‘noh giáo sư, tiến sĩ kinh tê̆. Năr 9 khei 3 sơnăm 1984, đei pôk tơmơ̆t jang lơ̆m Đảng mưh tŏk bŏk oei pơm ƀok thây pơtho kơ Hnam trương Đăi hŏk tài chính kế toán Hà Nội.

Iung pơma tơ̆ pơm lêh, Kơdră chĕp pơgơ̆r Ban Bí thư, Kơdră Hơnih jang Trung ương Trương Thị Mai pơma hơdăh, prăt 40 sơnăm mơ̆t jang Đảng, mă đơ̆ng lơ̆m tơdrong lơ liơ, bơ̆ jang yă kiơ, ƀok Vương Đình Huệ ling lang mĭnh nơ̆r ƀơ̆r đon hăm Đảng, hăm Teh đak păng kon pơlei, kiơ̆ yok rok jơ̆ng kơjăp kiơ̆ chủ nghĩa Mác Lê Nin, jơhngơ̆m đon Hồ Chí Minh, trong iung jang pơm rơngei hơdrĕch hơdrung păng chủ nghĩa xã hội. Ƀok hơnơ̆ng hŏk pơhrăm tôm tơdrong, atŏk jơhngơ̆m đon pơm jŭk yŭk trong atŭm hăm tơpôl Khul kơdră chĕp pơgơ̆r Trung ương, Hơnih tơm Chinh trĭ, Ban Bí thư kơrŭn đĭ ai tơgop ăn tơdrong jang tơplih ‘nao, tơ iung pơjing păng vei lăng Teh đak.