Kơdră chĕp pơgơ̆r Kuô̆k hô̆i Vương Đình Huệ hôn bơnê kơtang hơnăp jang kơ bơngai Kơdră tang măt lơ̆m khei năr au ki đei lơ tơdrong tơgop vă pơtrŭt kơtang hloh dơ̆ng lơ̆m tơgoăt tơgoăl gĭt kăl, jang hơdoi tôm tong, gĭt kăl hloh pơma atŭm păng tơgoăt tơgoăl ƀar păh Kuô̆k hô̆i pơma hơdrô̆. Mă kăl, ‘ngoăih tơdrong pơkăp tơƀơ̆p dih băl joăt joe ƀar păh ƀar Hơnih tơm Chinh trĭ păng ‘măng tơƀơ̆p dih băl kơ ƀar Hơnih bơ̆ jang hơdoi Khul kơdră chĕp pơgơ̆r teh đak kơ ƀar teh đak ‘noh ‘nao au “ ‘Măng tơƀơ̆p kơdră kơpal Việt Nam-Campuchia-Lào” ƀar păh Kơdră chĕp pơgơ̆r pêng Đảng hlôi đei pơgơ̆r jơnei.

‘Ngoăih kơ ‘noh, ƀar păh hlôi đei lơ trong jang ‘nao đei pơjing. Lơ̆m au, đei trong jang ƀar păh pêng Kơdră chĕp pơgơ̆r Kuô̆k hô̆i Campuchia-Lào-Việt Nam gô đei pơgơ̆r Hop akŏm kơdră kơpal Kuô̆k hô̆i CLV ‘măng mă blŭng tơ̆ Lào lơ̆m vă đĭ sơnăm au. Ƀlep lơ̆m jơ ‘năr au, Kơdră chĕp pơgơ̆r Kuô̆k hô̆i bơnê kơ Kuô̆k hô̆i Lào ăn Kơdră tang măt vang năm Hop akŏm Nghĭ si sơnăm mơlôh lơ̆m Plei teh ‘măng mă 9 kơ yuơ Kuô̆k hô̆i Việt Nam chĕp pơgơ̆r; pơma tơbăt jơhngơ̆m đon chơt hơ iă mưh Kuô̆k hô̆i Lào ‘nŏh teh đak pơm Kơdră chĕp pơgơ̆r AIPA 2024 hlôi atŭm hăm Tổng Thư ký AIPA tơƀơ̆p muh măt rim nghĭ si sơnăm mơlôh AIPA tơ̆ Hop akŏm au ki.