Kơdră chĕp pơgơ̆r Kuô̆k hô̆i Vương Đình Huệ pơma hơdăh, Việt Nam hăm Algeria ‘nŏh ƀar teh đak boăl joăt đơ̆ng sơ̆. Việt Nam kiơ̆ trong jang tơbôl kơdih, rơngei hiôk hian, tơgoăt tơgoăl, jang hơdoi păng atŏk tơ iung.

Tơ̆ jơ sơng, ƀar ‘nu kơdră chĕp pơgơ̆r drơ̆ng mĭnh nơ̆r sơkơ̆t hơdăh, mă đơ̆ng Việt Nam păng Algeria hơtăih dih băl găh groi teh, mă lei tơgoăt tơgoăl tôch kơ tơjrê̆, tơklep kơjăp. Lơ̆m khei năr kơnh, ƀar teh đak kăl atŏk kơtang tơgoăt tơgoăl jang hơdoi mŭk drăm, mơdro sa. Kơ iĕng Kơdră chĕp pơgơ̆r Kuô̆k hô̆i Algeria sơkơ̆t hơdăh, Algeria drơ̆ng nơ̆r pơm gơng tơroh, pơm trong mơ̆t vă Việt Nam vang mơ̆t tĕch mơdro tơmam drăm tơ̆ châu Phi. Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh, Việt Nam drơ̆ng nơ̆r pơm gơng tơroh, pơm trong mơ̆t vă Algeria vang mơ̆t tĕch mơdro lơ̆m ASEAN. Kơ iĕng Kơdră chĕp pơgơ̆r Kuô̆k hô̆i Algeria Monder Bouden hôn bơnê kơtang ‘măng Pơma đam “Atŏk kơtang tơdrong kĕ jang kơsô̆ ăn hơdruh tơdăm”, Pơm lêh pơgơ̆r hop akŏm blŭng a, ‘Măng hop akŏm pơđĭ Hop akŏm Nghĭ si sơnăm mơlôh lơ̆m plei teh ‘măng mă 9. Khul Nghĭ si sơnăm mơlôh Kuô̆k hô̆i Algeria hlôi đei tơgop kơtang lơ̆m rim tơdrong jang au.