Tơ̆ ‘măng tơƀơ̆p, ƀar păh hôn bơnê kơtang tơdrong tơgoăt tơgoăl jang hơdoi ‘lơ̆ng hơ iă ƀar păh Việt Nam păng Nhật Bản lơ̆m khei năr au ki. Jang hơdoi Nghĭ viê̆n păng kon pơlei tơgoăt dih băl tơgop gĭt kăl atŏk tơ iung tơgoăt tơgoăl Việt Nam-Nhật Bản.

Kơdră chĕp pơgơ̆r Kuô̆k hô̆i athei Khul kơdră chĕp pơgơ̆r ƀar teh đak jang hơdoi vă pơm kơtang hloh dơ̆ng tơdrong tơgoăt tơgoăl dih băl lơ̆m chăl hle. Ƀar păh jei lăp đon kăl atŏk kơtang tơgoăt dih băl kơ kon bơngai dih băl, ‘nau jĭ tơdrong kăl hloh ăn hơmet pơ ‘lơ̆ng, atŏk kơtang tơgoăt tơgoăl Việt Nam – Nhật Bản. ‘Ngoăih kơ ‘nŏh kăl atŏk kơtang tơgoăt hơnih mơdro sa dih băl, tơring dih băl. Găh jang hơdoi Kuô̆k hô̆i/Nghĭ viê̆n ƀar teh đak, Kơdră chĕp pơgơ̆r Kuô̆k hô̆i Vương Đình Huệ athei, ƀok Yamaguchi Natsuo hơnơ̆ng tơgum djru Kuô̆k hô̆i Việt Nam păng Nhật Bản atŏk kơtang năm ngôl dih băl kơ khul kơdră kơpal păng rim hơnih, ƀar păh khul nghĭ si sơnăm mơlôh, khul nghĭ si drŏ kăn, atŏk hơnăp jang khul Nghĭ si tơgoăt tơgoăl păng Jơnŭm nghĭ si tơgoăt tơgoăl Nhật Bản - Việt Nam…