Tơ̆ jơ sơng pơma dơnuh, Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh, mŭk drăm, mơdro sa ‘nŏh tơdrong ling lang đei Kơdră chĕp pơgơ̆r ƀar teh đak lăng ba kơjăp. Kơdră chĕp pơgơ̆r Vương Đình Huệ pơma hơdăh, ƀar păh kăl iung jang kơtang dôm tơdrong gơ̆h jang hơdoi, jang kiơ̆ ‘lơ̆ng rim tơdrong pơkăp, pơjing rơvơn ăn tơdrong jang kơ rim hơnih mơdro sa.

Tơ̆ jơ sơng, ƀar păh drơ̆ng mĭnh nơ̆r atŏk kơtang rim ‘măng bơ̆ jang kơ khul joăt jang vă tơchă trong jang hơdoi trŏ lăp, jơnei kơ ƀar teh đak, mă kăl rim trong jang tơgoăt jang hơdoi hơnih mơdro sa dih băl, tơring dih băl. Khul kơdră chĕp pơgơ̆r Teh đak, Kuô̆k hô̆i ƀar teh đak akŏm pơjing trong ‘lơ̆ng, rơvơn hloh vă rim hơnih mơdro sa, tơring atŏk kơtang jang hơdoi.