Tơ̆ jơ tơƀơ̆p, Kơdră chĕp pơgơ̆r Kuô̆k hô̆i Vương Đình Huệ tơbăt jơhngơ̆m đon hơpơi hơmŏ, hăm tơdrong tơgoăt tơgoăl Jang hơdoi gĭt kăl Tôm tong kơ ƀar teh đak gô pơtrut kơtang hloh dơ̆ng tơgoăt tơgoăl mŭk drăm, mơdro sa, tơmơ̆t jên jang tơgăl hăm tơdrong tơgoăt tơgoăl kơ ƀar teh đak, mă kăl ‘nŏh lơ̆m tơdrong jang tơplih ‘nao tơchăr, tơplih jang rơgoh ‘lơ̆ng, iung tơjră tang găn tơplih tŏ ‘mi kial.

Kơdră chĕp pơgơ̆r Kuô̆k hô̆i tơbăt, truh au kơnh, rŏ năng tơ̆ Hà Nội gô pơgơ̆r pơm lêh Et hơtŏk Hơnih tơm tơplih ‘nao tơchăr Teh đak, Kơdră chĕp pơgơ̆r Kuô̆k hô̆i lui akhan, hăm tơdrong vang tơgŭm đơ̆ng SK, ‘nau jing hơyak pran kơtang hloh ăn iung jang tơdrong jang tơplih tơchăr kơ Việt Nam, tơgop lơ̆m tơdrong jang tơplih bơ̆ jang mŭk drăm păng pơjing đei lơ hơnih anai lơ̆m hơnô̆ hơnăp kơnh tơ̆ Việt Nam. Kuô̆k hô̆i păng kơdih Kơdră chĕp pơgơ̆r Kuô̆k hô̆i Vương Đình Huệ ling lang tơgŭm djru, pơjing rơvơn ăn rim hơnih mơdro sa, bơngai tơmơ̆t jên jang Hàn Quốc mă kăl ‘nŏh Grŭp jang SK hơnơ̆ng tơmơ̆t jên jang mơdro sa đunh đai tai sơnăm tơ̆ Việt Nam.