Tơ̆ jơ pơm lêh, Kơdră chĕp pơgơ̆r Teh đak pơma hơdăh, ‘nau jĭ jơ ‘năr vă mĭnh ‘măng dơ̆ng sơkơ̆t hơdăh dôm tơdrong tơgop tih tên đơ̆ng rim jơhnơr kang ƀô̆, ƀô̆ đô̆i kơ Khul Ƀô̆ đô̆i vei lăng sơlam teh đak păng hơnăp jang tih tên đơ̆ng Kon pơlei lơ̆m vei lăng pơm tơ-‘ngla groi teh, sơđơ̆ng tơring sơlam kơ teh đak; kiơ̆ yok jơhngơ̆m pran pơ đĭ hơdrĕch hơdrung ăn tơdrong jang tơ iung pơjing păng vei lăng Teh đak Việt Nam xã hội chủ nghĩa.

Tang măt ăn Kơdră chĕp pơgơ̆r Đảng, Teh đak, Kơdră chĕp pơgơ̆r Teh đak Võ Văn Thưởng pôk ăn Mê đai Jơnei dơ̆ng mă Ƀar păng pơtruh nơ̆r chơt hơ iă, ‘lơ̆ng liĕm hloh ăn rim jơhnơr khul Ƀô̆ đô̆i vei lăng sơlam Teh đak. Kơdră chĕp pơgơ̆r Teh đak athei Khul ƀô̆ đô̆i vei lăng sơlam teh đak, rim hơnih jang, mă kăl rim tơring sơlam teh đak băt hơdăh, tơdra hơdrol kiăp tơdrong, mă kăl tơdrong păh to teh đak đei ƀơm truh tơdrong vei lăng tơring sơlam teh đak, tơlĕch đei trong jang tơgum djru trŏ ƀlep, xek tơlang trŏ lăp; Atŏk kơtang bơ̆ jang pơrô̆ pơrôp, pơtho tơbăt, atŏk jơhngơ̆m đon hlôh vao, hơnăp jang, hăm tơdrong jang vei lăng pơm tơ-‘ngla groi teh, sơđơ̆ng tơring sơlam kơ teh đak, mă kăl tơ̆ rim tơring sơlam teh đak, đak dơsĭ, achon dơsĭ.