Iung pơma pơtôch jơ bơ̆ jang, Kơdră chĕp pơgơ̆r Teh đak Tô Lâm hôn bơnê kơ Ƀộ Nội vụ hlôi tơtom chih akŏm, tơbăt hơlen hơdăh bơ̆ jang pơting, pôk hơpăh, kơ yuơ lơ loh hlôi tơlĕch lơ tơdrong jang hăm bơ̆jang pơting, pôk hơpăh. Kơdră chĕp pơgơ̆r Teh đak sơkơ̆t hơdăh, teh đak roi năr roi atŏk tơ iung, dôm tơdrong iŏk đei roi lơ. Kơ yuơ lơ loh, bơ̆ jang pơting pôk hơpăh kăl đei dăr lăng hơlen dơ̆ng vă trŏ lăp hăm yan ou. Kiơ̆ đơ̆ng Kơdră chĕp pơgơ̆r Teh đak, hăm rim tơdrong pơkăp, tơchơ̆t hlôi đei mă lei lơ̆m tơlĕch jang kiơ̆ oei tơhlăk tơhlĭn ‘noh kăl hơmet pơ ‘lơ̆ng, hơmet ming, tơmơ̆t dơ̆ng tơtom. Adoi pơkă bơ̆ jang pơlong pôk hơpăh kăl tơklep kơjăp hăm tơdrong jang dăr lăng, pơrô̆ pơrôp; pôk hơpăh tơtom dôm trong tơchăr hơ iă, bơngai ‘lơ̆ng, tơdrong ‘lơ̆ng, pôk hơpăh ƀlep bơngai, ƀlep hăm tơdrong jang.