Iung pơma tơ̆ jơ bơ̆ jang, Kơdră chĕp pơgơ̆r Teh đak pơtruh nơ̆r apĭnh jet gia pơma dơnuh ‘lơ̆ng hơ iă hloh đơ̆ng Tổng Bí thư Nguyễn Phú Trọng hăm đĭ đăng kang ƀô̆, ƀô̆ đô̆i kơ Ƀô̆ đô̆i Đak Dơsĭ.

Kơdră chĕp pơgơ̆r Teh đak athei Ƀô̆ đô̆i vei lăng Đak dơsĭ kăl băt hlôh ƀôh hơdăh găh hơnăp jang, hơnih dơ̆ng gĭt kăl kơ Khul Ƀô̆ đô̆i Đak dơsĭ lơ̆m jang kiơ̆ Trong jang tơm Vei lăng Teh đak lơ̆m chăl hle. Khul Ƀô̆ đô̆i vei lăng Đak dơsĭ kăl akŏm tơlĕch jang kiơ̆ jơnei Tơdrong tơchơ̆t kơsô̆ 44 jăl XIII găh Trong jang tơm vei lăng Teh đak lơ̆m chăl hle, mă kăl ‘noh jơhngơ̆m đon hlôh vao ‘nao lơ̆m vei lăng Teh đak; tơlĕch jang kiơ̆ kơtang trong jang “Kơrŭn đĭ ai, hơdrin iung tơjră vei lăng kơjăp iăp kơtang pơm tơm kơdih, rơngei keh kong groi teh, đak dơsĭ, achon dơsĭ, rơvơ̆ng plĕnh, vei kơjăp tơdrong rơnbgei hiôk hian, sơđơ̆ng vă atŏk tơ iung teh đak”; ling lang hơtŏk jơhngơm đon kơchăng, hlôh vao hơdăh găh tơdrong ayăt, bôl boăl, trong hơlĕnh pơdăr, tơchă tơdrong đơ̆ng ayăt; kơrŭn đĭ ai, hơdrin lơ̆m jang kiơ̆ vei lăng pơm tơm đak dơsĭ, achon dơsĭ.