Kơdră chĕp pơgơ̆r teh đak Tô Lâm hlôi apĭnh jet gia pơma dơnuh ‘lơ̆ng hơ iă hăm kon pơlei, sơkơ̆t hơdăh, Đảng, Teh đak ling lang lăng ba kon pơlei oei tơ̆ teh đak đe, mĭnh khul ưh kơ gơ̆h tơklăh hăm Khul tơgoăt tơgoăl kơjăp hơdrĕch hơdrung, lơ̆m ou đei kon pơlei Việt oei tơ̆ Lào; ‘meh vă kon pơlei ling lang tơgoăt tơgoăl kơjăp, pơm kiơ̆ khôi luơ̆t tơ̆ teh đak ou.

Kơdră chĕp pơgơ̆r teh đak hôn bơnê jơhngơ̆m đon ‘mêm kơ eng teh đak păng dôm tơdrong tơgop đơ̆ng kon pơlei oei tơ̆ teh đak đe hăm tơdrong jang tơ iung pơjing păng vei lăng Teh đak. Kơdră chĕp pơgơ̆r Teh đak Tô Lâm jei athei rim Hơnih bơ̆ jang tang măt Việt Nam tơ̆ Lào hơnơ̆ng jang ‘lơ̆ng bơ̆ jang vei lăng năng tông bơngai Việt Nam oei tơ̆ teh đak đe, mă kăl vei lăng năng tông, tơgŭm djru kon pơlei vang mơ̆t hơdoi păng pơgơ̆r rim tơdrong jang hơmet pơ ‘lơ̆ng, tơgoăt tơgoăl kon pơlei pơla, adoi nhen hơmet pơ ‘lơ̆ng tơgoăt dih băl ƀar păh kon pơlei păng lơ̆m teh đak.