Dôm sơnăm au ki, Khul Đảng Kŏng ang Trung ương, kơdră chĕp pơgơ̆r Hơnih tơm Kŏng ang lăng ba kơjăp truh bơ̆ jang vei lăng năng tông hơ ioh, tơ iung pơjing ŭnh hnam bơngai Kŏng ang hơnŭk hơnoa, kơjăp ‘lơ̆ng. Truh dang ei, đei hloh 3.000 ‘nu hơ ioh mơti mơtĕk, tơnap tap đei Kŏng ang rim hơnih, tơring iŏk vei lăng năng tông, tơgŭm djru. Đĭ đăng kon rong, rim đe kôn mon kon hơ ‘lơ̆p Kŏng ang hŏk pơhrăm hơgei, chu yom mĕ ƀă yă ƀok. Iung pơma tơ̆ jơ tơƀơ̆p muh măt, Kơdră chĕp pơgơ̆r Teh đak Tô Lâm athei rim hơnih jang, hơnih tơm, hơnih đảng tơring, kơdră chĕp pơgơ̆r tơring akŏm tơlĕch jang kơtang, jơnei rim trong bơ̆ jang đơ̆ng Đảng, khôi luơ̆t Teh đak găh vei lăng năng tông, pơtho pơhrăm, vei lăng hăm trong jang hơdăh, ‘noh “Pơđĭ tơpôl vei lăng năng tông hơ ioh, đe hơ ioh mă đơ̆ng hơrih sa lơ liơ jei kăl đei vei lăng năng tông nông gia ‘lơ̆ng hơ iă”.