Sơkơ̆t hơdăh, Đảng, Teh đak ling lang vei lăng năng tông rim ŭnh hnam Việt Nam hăm trong jang “ư̆h kơ lê̆ bơngai bu hơchăng hŭt tơ̆ rŏng”, Kơdră chĕp pơgơ̆r Teh đak hôn bơnê khul kơdră păng kon pơlei tơring găh dôm tơdrong jang vei lăng năng tông hơrih sa, jang sa lơ̆m dôm sơnăm ou ki, lơ̆m ou Đường Lâm ‘noh mĭnh lơ̆m dôm tơring yak hơlou kơ thĭ xah Sơn Tây lơ̆m tơ iung pơjing tơring tơrang ‘nao ‘lơ̆ng liĕm mư̆h hlôi jang keh đang 80% trong tơlĕch jang, pă đei ŭnh hnam dơnuh, kon pơlei lăng tông nông gia, ‘mêm kơ eng, tơgŭm djru dih băl vang atŏk tơ iung lơ̆m tơpôl gơ̆h hơgei păng tơgoăt tơgoăl. Lăng truh tơbăt lơ tơdrong pơgơ̆r kăl kơ Sơn Tây lơ̆m sơnăm 2024, Kơdră chĕp pơgơ̆r lui thĭ xah Sơn Tây pơma atŭm păng tơring Đường Lâm pơma hơdrô̆ gô hơnơ̆ng iŏk đei jơnei tih tên hloh, tơgoăt tơgoăl tơ iung pơjing pơlei pơla roi năr roi atŏk tơ iung păng pơdrŏng, đei dơ̆ng lơ bơngai hơgei vang tơgop ăn tơdrong jang atŏk tơ iung atum kơ teh đak.