Kơdră chĕp pơgơ̆r Teh đak Tô Lâm vang năm păng iung pơma pơrô̆ pơm lêh. Iung pơma tơ̆ pơm lêh, tang măt Khul kơdră chĕp pơgơ̆r Đảng, Teh đak, Kơdră chĕp pơgơ̆r Teh đak Tô Lâm hôn bơnê dôm tơdrong iung jang kơtang đơ̆ng Khul kơdră chĕp pơgơ̆r Đảng, kơdră chĕp pơgơ̆r tơring, khul Kŏng ang păng hơnih bơ̆ jang kơ Pơlei tơm Hồ Chí Minh lơ̆m pơgơ̆r jang kiơ̆ Khôi luơ̆t păng hơmet ăn ‘lơ̆ng pơjing Khul vang iung jang vei lăng sơđơ̆ng tơring; Hmach chơt hơ iă ăn Khul vang jang vei lăng sơđơ̆ng tơ̆ pơlei tơm Hồ Chí Minh păng lơ̆m teh đak hlôi đei pơjing păng iung jang đơ̆ng dang ei.

Kơdră chĕp pơgơ̆r Teh đak lui, hăm tơdrong joăt joe nuih mơng, iŏk đei jơnei lơ̆m khei năr ou ki, sơnăm 2024 păng dôm sơnăm đơ̆ng rŏng, Khul kơdră Đảng, kơdră chĕp pơgơ̆r tơring păng Kon pơlei kơ pơlei tơm Hồ Chí Minh gô jang keh đang rim trong tơlĕch ăn. Khul vang jang vei lăng sơđơ̆ng tơring gô jang kiơ̆ ‘lơ̆ng hloh dơ̆ng hơnăp jang iung jang tơgŭm ăn khul Kŏng ang păng rim khul vei lăng sơđơ̆ng dơ̆ng kơjăp, tơgop tơ iung pơjing, atŏk tơ iung pơlei tơm roi năr roi sơđơ̆ng, ‘lơ̆ng liĕm, gơ̆h hơgei, phăl hơlăng kơ yuơ tơdrong hơrih sa hiôk chơt, hơnhŭk hơnoa kơ kon pơlei.