Tơ̆ jơ tơƀơ̆p, Kơdră chĕp pơgơ̆r Teh đak Võ Văn Thưởng hôn bơnê dôm khei năr au ki pơlei tơm hơdrin đĭ ai, tơgoăt tơgoăl rim khul lơ̆m tơpôl hơmet pơ ‘lơ̆ng đơ̆ng rŏng jĭ hơbuh Covid-19 pơm ăn; hơmet pơ ‘lơ̆ng pơm tơlĕch tĕch mơdro, xek tơlang rim tơdrong tim mă ‘lơ̆ng, lăng ba kơjăp truh tơdrong hơrih sa tơpôl, vei lăng năng tông sơđơ̆ng jơhngơ̆m đon, hơrih sa kơ kon pơlei.

Lơ̆m tơdrong atŏk tơ iung kơ pơlei tơm păng teh đak đei tơdrong tơgop gĭt kăl đơ̆ng rim khul lui khop, bơnbgai hŏk jrŭ, tơpôl gơh hơgei kơ pơlei tơm. Kơdră chĕp pơgơ̆r Teh đak athei pơlei tơm jang kiơ̆ ‘lơ̆ng rim tơdrong tơchơ̆t đơ̆ng Đảng, đơ̆ng Kuô̆k hô̆i, lơ̆m au đei rim trong kăl, hơnhăk Pơlei tơm atŏk tơ iung.