Iung pơma tơ̆ jơ tơƀơ̆p muh măt, tang măt ăn Kơdră chĕp pơgơ̆r Đảng, Teh đak, Kơdră chĕp pơgơ̆r teh đak Võ Văn Thưởng pơma tơbăt jơhngơ̆m đon chơt hơ iă sơng hơvơn, hmach bơnê rim kang ƀô̆, bơngai pơtho, bơngai pơlong hlôi iŏk đei tơmam hơpăh gĭt kăl tơ̆ SEA Games 32.

‘Nau jing ‘măng SEA Games iŏk đei jơnei hloh kơ Việt Nam hăm ‘măng mă blŭng Khul đă ƀŏng lŏng tơplŏng kơdau Việt Nam dơ̆ng hơlau găh khul, jơnei hloh pơkăp 12 ‘măng, pơjing đei 4 jơnei tih tên SEA Games, hơnhăk ba tơdrong hưch hanh hơmanh bơnê ưh khan lăp hơdrô̆ rim bơngai lơ̆m khul mă lei oei jing tơdroing hưch hanh hơmanh bơnê kơ Teh đak. Vă rim tơdrong iŏk đei jơnei lơ̆m đă ƀŏng lŏng tơplŏng kơdau ling lang đei vei kơjăp, tơgoăt hơnơ̆ng, Kơdră chĕp pơgơ̆r Teh đak Võ Văn Thưởng pơkă ăn rim hơnih tơm, hơnih bơ̆ jang, tơring hơnơ̆ng pơtho pơhrăm ming dôm jơhnơr bơngai pơlong, bơngai pơtho đơ̆ng rŏng dơ̆ng; đei trong jang hơvơn rim khul vă tơdrong đă ƀŏng lŏng tơplŏng kơdau Việt Nam yak trŏ ƀlep, pran kơtang hloh dơ̆ng.